Нұрлан Өнербаев, Асхат Әмірғали – Өнеге

Асхат:
Сан үлгі алғанмын
Әніңе салғанмын Асыл аға.
Сазындай арманның,
Үніңе қайранмын ғасыр аға.
Бал дәурен шағымнан,
Шықпады жадымнан даусың аға.
Мен үшін мәңгілік,
Тұратын жаңғырып әнсің аға!
Нұрлан аға:
Өзіңдей болғанмын
Мен де үлгі  алғанмын ағалардан.
Жарқырап жайнасын,
Күн нұрын сыйласын саған алдан.
Батамды берейін ,
Жолыңа сенейін алтын інім.
Бір Алла қорғасын,
Қазақтай қолдасын халқың інім!
Қ-сы:
Алатау асқарындай,
Өнеге дастанындай,
Ағасы бардың шіркін жағасы-ай бар,
Самғаған аспанында -ай,
Арманның асқағындай.
Інісі бардың шіркін тынысы-ай бар.
2.
Нұрлан аға:
Тыңдасаң кеңесті
Оңай жол емес-ті өнер деген .
Еңбекті сүймеген ,
Тірлікте күйбелең сөнер деген.
Асхат:
Ақылшы данасың ,
Ардақтар алашым сізді мәңгі
Нақылың нәр берді,
Шырқаймын әндерді ізгі мәнді..